.*. قلـبٌ جديــد ... لرمضانٍ جديــد .*.

من طرف **BaD BoY** الإثنين سبتمبر 03, 2007 5:19 am

الصلاة والسلام على أشرف المرسلين سيدنا محمد وعلى آله وأصحابه وسلم

أما بعد

أخواني وأخواتي فى الله

بأقتراب شهر رمضان الكريم كلنا بنستعد لاستقبال هذا الشهر العظيم

و علشان كذا بدأت أحضر حملة نجتمع عليها الأيام القادمة

لغاية أول يوم فى رمضان و سيكون شعار حملتنا

قلب جديد.... لرمضان جديد

لقيت أن هذا هو الي أحنا محتاجينه محتاجين

قلب جديد قلب من غير بعد عن الله ..

قلب يبكي من خشية الله ..

قلب متلهف للعبادة ..

قلب يذوب شوقا للقاء الله ..

لقيت أن قلوبنا قسيت من البعد ..

وقسيت من الغفلة ..

وقسيت من التعلق بالدنيا ونسيان الآخرة ..

و علشان كذا كان لازم وقفة مع النفس

لازم نعرف أن ,,

هدف الحملة أننا نعرف أحنا نقدر نلتزم بالطاعه والا لا ..

هدف الحملة أننا ندخل رمضان وفي صدورنا قلوب جديدة

طهرتها العبادة و أصلحتها الصحبة الصالحه

وهدف الحملة الأهم أن نخرج من رمضان بنفس القوة وبنفس العبادة

و علشان نحقق هذا

محتاجين نقف سوا و نساعد بعض على الطاعه

لما بدأت أفكر كيف نقدر نطهر قلوبنا من المعاصي ومن الذنوب

لقيت أن لازم حاجتين مهمين نلتزم فيهم وهما عناصر أساسيه لهدفنا

أولاً : العبادة :

أنا نتفق سوا كل يوم على عبادة نعملها ونستمر عليها

ثانياً : الأخلاق :

أنا نتفق على خلق من أخلاق النبي عليه الصلاة والسلام و الصحابه

خلق نتمسك فيه بـأيامنا ويكون معينً لنا على عبادة الله

هذي كانت البداية مجرد معرفة بحملتنا

و من بكرة نبدأ سوا

ونبغى نعرف مين حيبدا معانا

أدخلوا و قولوا

وأخلصوا النية وبأننا نعمل هذا لوجه الله

نبدأ الرحلة هذي و أحنا بعاد عن بعض

لكن أكيد يجمعنا حب الله

ولعل بسببها نجتمع سويا وندخل في سبيلها الجنة

وهذا هو هدفنا أننا

نبدأ رحلة لقلبنا علشان نخرج من الرحلة

بقلب جديد

سعادتنا في ثلاث :

طاعة . مجاهدة ، جنة

نعمل بالأولى ونحمل الثانية لأجــل الثالثة

.. اللهم بلغنا رمضـــان ..